"G‘alaba bog‘i" yodgorlik majmuasi O‘zbekiston Respublikasi Prezidenti Shavkat Mirziyoyev tashabbusi bilan 2020-yil may oyida Ikkinchi jahon urushidagi G‘alabaning 75 yilligiga bag‘ishlab bunyod etilgan.
Ulardan 538,000 dan ortig‘i jang maydonlarida halok bo‘lgan, 158,000 yaqini bedarak yo‘qolgan, 50,000ga yaqini konsentratsion lagerlarda halok bo‘lgan.
Ushbu loyiha Ulug‘ Vatan urushidagi G‘alabaning 80 yilligi hamda Xotira va qadrlash kuniga bag‘ishlab ishlab chiqilgan.
Qahramonlarning arxiv suratlari generativ AI texnologiyalari yordamida jonlantirilgan.
Loyiha O‘zbekiston Respublikasi Oliy ta’lim, fan va innovatsiyalar vazirligi huzuridagi Sun’iy intellekt bo‘yicha maslahat kengashi tashabbusi bilan Rahimov Bobur Kamolovich, Rahimov Alisher Kamolovich ishtirokida "G‘alaba bog‘i" yodgorlik majmuasi va "Shon-sharaf muzeyi" ma’muriyati ko‘magida amalga oshirildi.
Urush arafasida O‘zbekiston aholisi 6 million 800 ming kishi edi. Frontga 1,950,700 kishi, ya’ni respublikamiz aholisining 1/3 qismi ketdi.
Urushning dastlabki kunlaridanoq 4555 nafar xotin-qiz ko‘ngilli bo‘lib frontga otlandi, mardlik va qahramonlik namunalarini ko‘rsatdi. Vrachlar, aloqachilar, razvedkachilar, snayper va boshqalar. Ular orasida Zebo G‘aniyeva, Olga Sanfirova, Yelena Stempkovskaya, Muqaddam Ashrapovalar bor.
O‘zbekiston dehqonlari tomonidan yetkazib berilgan: 4 mln 806 ming tonna paxta xomashyosi; 82 mln. pud bug‘doy, 54,1 ming tonna pilla; 1 mln 282 ming tonna don; 195 ming tonna guruch; 482 ming tonna kartoshka va sabzavot; 57,5 ming tonna meva va uzum; 36 ming tonna quruq meva; 159,3 ming tonna go‘sht; 22,3 ming tonna jun va boshqa ko‘plab tovarlar.
